ރައީސް އިބްރާހިމް މުހައްމަދު ސޯލިހު ސީޝެލްސްގެ ރައީސް ވަވެލް ރަމްކަލަމަން އަދި މަލާވީގެ ރައީސް ލަޒަރުސް ޗަކްވެރާއާ ބައްދަލުކުރައްވައިފިއެވެ.
ރައީސް ސޯލިހު މިއަދު މި ދެ ރައީސުންނާ ބައްދަލުކުރެއްވީ ގަތަރުގެ ދޯހާގައި މިހާރު ކުރިޔަށްދާ އދ.ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ފަސް ވަނަ ކޮންފަރެސްގެ ހަވާސާގައެވެ.
ރައީސް ސޯލިހު ކުރެއްވި ޓުވީޓެއްގައި ވިދާޅުވީ، ސީޝެލްސްގެ ރައީސްއާއެކު ބޭއްވުނު ބައްދަލުކުރެއްވުމުގައި ކުޑަކޮށް ތަރައްގީވަމުން އަންނަ ކުޑަ ގައުމުތަކަށް ދިމާވާ ގޮންޖެހުންތަކާ ގުޅޭގޮތުން މަޝްވަރާކޮށް، އެކަމަށް ހައްލު ގެނައުމަށްވެސް މަޝްވަރާ ކުރެވުނު ކަމަށެވެ.
This afternoon, President @ibusolih met with H.E. Dr Lazarus Chakwera, the President of Malawi, and current Chair of the Group of LDCs, and discussed strengthening ways to mobilise additional international support and action for the world’s 46 least developed countries. #LDC5 pic.twitter.com/3rwE0qI7HT
— The President's Office (@presidencymv) March 5, 2023
ރައީސް ސޯލިހު މަލާވީގެ ރައީސްއާ ބައްދަލުކުރައްވާފައިވާއިރު، މަލާވީގެ ރައީސްއަކީ އެންމެ ކުޑަކޮށް ތަރައްގީވެފައިވާ ގައުމުތަކުގެ ގްރޫޕްގެ ޗެއާއެވެ. މިގޮތުން ރައީސް ސޯލިހު ވަނީ މަލާވީގެ ރައީސްއާއެކު އެންމެ ކުޑަކޮށް ތަރައްގީވެފައިވާ ގައުމުތަކަށް ލިބޭ ބައިނަލްއަގުވާމީ އެހީތެރިކަން އިތުރު ކުރުމަށް މަޝްވަރާ ކުރައްވާފައެވެ.
ރައީސް ސޯލިހު އދ.ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ފަސް ވަނަ ކޮންފަރެސްގެ ހަވާސާގައި މިއަދު ފަލަސްތީންގެ ރައީސްއާވެސް ބައްދަލުކުރައްވާފައެވެ.
