ރިޔާސީ އިންތިހާބުގައި ވާދަކުރައްވާ ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު ވެފައިވާ ހުރިހާ ވައުދުތަކަކީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ވައުދުތައް ކޮޕީ ކޮށްގެން ވެފައިވާ ވައުދުތަކެއް ކަމަށް ތުޅާދޫ ދާއިރާގެ މެމްބަރު ހިސާން ހުސެއިން ވިދާޅުވެއްޖެއެވެ.
ހިސާން ކުރެއްވި ޓުވީޓެއްގައި ވިދާޅުވީ، ޑރ.މުއިއްޒު ބ.އަތޮޅަށް ވެފައިވާ ވައުދުތަކަކީ ރައީސް ސޯލިހުގެ ވައުދުތައް ކޮޕީކޮށްގެން ވެފައިވާ ވައުދުތަކެއް ކަމަށާއި، މިގޮތުން ގޮއިދޫ ފަޅުތެރޭގައި ރިސޯޓެއް އެޅުމަށް މިދިޔަ އޯގަސްޓް މަހުގެ 21 ވަނަ ދުވަހު ރައީސް ސޯލިހު ވައުދުވެފައި ވަނިކޮށް، މިއަދު އެ ވައުދު ޑރ.މުއިއްޒު ކޮޕީ ކުރައްވާފައިވާ ކަމަށެވެ.
ބ އަތޮޅަށް މުޢިއްޒުވި ހުރިހާ ވަޢުދަކީވެސް ކޮޕީކޮށްފަެިވާ ވަޢުދު. ގޮއިދޫ ފަޅުތެރޭގައި ރިސޯޓެއް އެޅުމަކީ 21 އޮގަސްޓްގައި ރައީސް ވެފައިވާ ވަޢުދެއް. pic.twitter.com/Igoch7qCaz
— Hisaan 🎈؟ (@hisaanhussain) September 22, 2023
ރައީސް ސޯލިހުގެ ވައުދުތައް ޑރ.މުއިއްޒު ކޮޕީކުރައްވާ ކަމުގެ ޝަކުވާތައް ގިނަވަމުން އަންނައިރު، ޑރ.މުއިއްޒުގެ ވައުދުތަކަށް އާންމުންގެ ފާޑު ކިޔުންވެސް އަންނަނީ އަމާޒުވަމުންނެވެ. މިގޮތުން ބައެއް ވައުދުތައް ވަނީ ފަހުން ބަދަލުވެސް ކުރައްވާފައެވެ.
