އާބަންކޯގެ ނަން އަނބުރާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ބަދަލުކުރުމަށް ނިންމައިފިއެވެ.
"ތޭވީސް" އަށް މައުލޫމާތު ލިބިފައިވާ ގޮތުގައި އާބަންކޯގެ ނަން ކުރިން އެ ކުންފުންޏަށް ކިޔަމުން އައި އެޗްޑީސީއަށް ބަދަލު ކުރުމަށް ނިންމާފައިވަނީ އޮޅުންތަކެއް އަރަމުންދާތީއެވެ.
އެޗްޑީސީގެ ނަން އާބަންކޯއަށް ބަދަލުކޮށް ރީބްރޭންޑް ކޮށްފައި ވަނީ ކުރީގެ ސަރުކާރުން މިދިޔަ އަހަރުގެ އެޕްރީލް މަހު އެ ކުންފުންޏަށް 22 އަހަރު ފުރުމުގެ މުނާސަބަތުގައެވެ. ނަމަވެސް މި ސަރުކާރުން ވެރިކަމަށް އައި ފަހުން އެ ނަން އަނބުރާ އެޗްޑީސީއަށް ބަދަލުކުރުމަށް ވިސްނަމުންދާ ކަމަށް ކުރިންވެސް ވަނީ ހާމަކޮށްފައެވެ.
